匈牙利巴西超新星大鬥法

猪拉多纳

U20世青盃E組又到風頭躉出場，匈牙利U20對巴西U20，追1.43倍入球大最好。雖然匈牙利U20牌面唔算強，但佢哋能夠摧毀以體力見稱嘅北韓U20，應該有啲計，加上巴西U20新領隊米卡利冇沉迷名牌效應，新星爭上位有機會再開入球騷。

（開賽時間：周四下午3:00）
入波全靠中場食胡

匈牙利U20喺首場分組賽以5:1大破北韓U20，都幾令人意外，畢竟佢哋前線實力唔算強，主要靠中場食胡，首場分組賽除咗RB萊比錫嘅蘇特卡爾馬正選入波，仲有阿特蘭大嘅科加斯後備入替建功，但因為真正實力未曝光，或者今場又會嚇你一驚，例如上場就有杰爾中場美禾連中三元啦！
森巴新帥唔信名牌

巴西U20喺5月8號炒咗教頭卡路，新上任嘅米卡利似乎有啲辦法，領軍喺首場分組賽以4:2打沉尼日利亞U20，米卡利仲夠膽嗌皇家馬德里前鋒真恩卡路士同曼聯中場安達斯彭利拿坐冷板，激發高士路前鋒祖迪雲同聖保羅中場保斯捷拿爭上位入波，為咗吸引歐洲大球會注意，佢哋肯定會繼續搏命。