超霸幼鷹 唔赦森巴小將

猪拉多纳

聽朝世青盃刮起英超風暴，於新西蘭普利茅斯舉行嘅E組分組賽─尼日利亞U20硬撼巴西U20，爆發「曼市新星打吡戰」，有紅魔「麻煩仔」安達斯彭利拿壓陣嘅「小森巴兵團」，與尼軍嘅曼城孖寶尼華卡利同艾希拿曹正面交鋒，不過巴西U20隱憂太多，寧捧受讓嘅「超霸幼鷹」。

（周一早上9時開賽）
曼巿雙子火併紅魔麻煩仔

世青盃一向係畀年輕球員show off嘅大舞台，好似聽朝尼日利亞U20對巴西U20，前者坐擁曼城孖寶尼華卡利同艾希拿曹，「小森巴兵團」更有紅魔新星安達斯彭利拿助陣，不過呢位麻煩仔嘅「成名作」，卻係被爆與曼聯隊友麥尼亞利誘學生玩3P不果，咁唔定性點踢好波，而巴西U20上月無喇喇炒咗教頭加路，米卡利臨時接手難穩定軍心。相反尼日利亞U20喺3月勇奪U20非國盃，士氣大振，絕對唔赦「小森巴兵團」，仲有得受讓咁筍，斯維力撐讓球客勝。