莫斯科打吡捧戴拿模

猪拉多纳

俄超 18:30 （日）13 莫斯科斯巴達 Vs 莫斯科戴拿模

莫斯科係全球最多足球打吡戰嘅城市，斯巴達鬥戴拿模更被譽為歷史最悠久嘅「莫斯科打吡」，今晚雙方喺俄超早場正面交鋒，一於趁斯巴達低潮踩多腳，戴拿模讓平半一於捧2.2倍上盤。

（now670台周日晚6:30直播）
斯巴達教頭等落鑊

斯巴達喺歇冬期有前鋒迪斯奧巴同中場舒洛哥夫離隊，搞到實力大打折扣，上場聯賽主場1:3輸畀卡斯洛達之後，班主費頓即刻召開檢討會議，盛傳主帥梅勒耶堅就快冇得撈。

呢個時候撞正戴拿模都算梅勒耶堅唔好彩咯，事關作客嘅戴拿模對上6輪聯賽錄得5勝1和佳績，法國中場華布拿狀態Fit唔在講，射手古蘭爾更加連續3場有士哥，睇怕斯巴達同梅勒耶堅一樣，今鋪都係凶多吉少！