拉素烏甸入波靠大哥

猪拉多纳

意甲周中快車壓軸好戲上演「古董對決」，拉素主場迎戰烏甸尼斯，雙方鋒線都有一位70後射手助陣。拉素嘅德國「古董轟炸機」高路斯喺今夏世盃證明自己老而彌堅，佢踢埋今季就掛靴，更加把握每次上陣機會綻放餘輝。烏甸前鋒迪拿達利3戰已有兩球進帳，寶刀未老。兩位球壇「活化石」碰面，勢必擦出火花，捧入球大。

（TVB 301周五凌晨2時45分直播）
高路斯迪拿達利愈老愈可愛

36歲嘅高路斯喺今屆世盃上陣時間唔多，都有兩球進帳，成為世盃累積入波最多球員，可見佢射門觸覺仍然好敏銳。雖然高路斯近兩仗屈居後備，但由於拉素新簽前鋒菲臘佐積域演出麻麻，教練皮奧利今場好可能改踢雙箭頭，派高路斯拍住菲臘佐積域一齊攻堅搶3分。

同樣係36歲嘅迪拿達利亦好犀利，首輪意甲即梅開二度，呢位「矮腳虎」走位靈活，往往令對手防不勝防。拉素中堅迪維積今場停賽，要由中場簡拿墮後扼守中路，隨時可能令迪拿達利有更多搵食機會。烏甸尼斯近況相當弗，上仗更擊敗拿玻里，今仗作客都唔赦拉素。睇番往績，兩隊近10次交手有7次開大，1.95倍大盤絕對抵玩。