利華未夠弗 難讓哥本哈根

猪拉多纳

今晚幾場歐聯外圍賽附加賽首回合，其中細鬼對丹麥哥本哈根主場惡鬥德甲利華古遜呢場特別有心水。利華古遜喺日前德國盃面對低組別球隊瓦爾達爾格斯海姆雖大勝6比0，但明顯係對手實力太弱，所以呢場賽果唔係太有參考價值。細鬼留意到上周英超開鑼時，好多強隊都踢唔出水準，似乎仲受「季初病」影響，連英超球隊都出現呢個情況，試問德國球隊又點能會冇先？以利華依家嘅作戰狀態，今次作客丹麥實充滿暗湧。

丹超喺較早時已經開咧，而哥本哈根唔經唔覺已經踢咗5場聯賽同兩場歐聯賽事，狀態上晒力，佢哋上仗聯賽雖然輸波，但睇番賽後報告，原來佢哋收起咗部分主力，擺明係留力踢呢場歐聯附加賽，再加埋主場出擊，細鬼有信心哥本哈根喺自己地頭可保不敗身，受讓半一下捧下盤！

（有線62台周三凌晨2時45分直播）