馬王威爾頓129分居首

猪拉多纳

馬季煞科三星期後，馬會評磅及賽事策劃部完成季終馬匹評分檢討，昨日公布現役各駒最新的評分。經檢核的現役馬數目多達1,123匹，今年馬王「威爾頓」與前廐侶「軍事出擊」同獲評129分，並列榜首，緊隨其後為126分「精彩日子」及「大運財」。
       
威爾頓在女皇盃擊退軍事出擊，惟兩駒現時評分相同。
軍事出擊、威爾頓

至於上年暑期最高分馬之一的「雄心威龍」，經過一整季休戰後，被減去4分，現時評125分，跌落全港第五位。
       
雄心威龍

評磅及賽事策劃部主管紀禮澤在馬季結束後，先後評核1,123匹賽駒的表現，數量比上年增加12匹，新舊香港馬王「威爾頓」與「軍事出擊」同獲129分最高。對於表現退步中的馬匹，包括長期未勝或因傷病缺陣多時者，評磅員作出特別減分處理。
       
評磅及賽事策劃部主管紀禮澤

例如一整季未有上陣的前馬王「雄心威龍」，便因此被減去4分，由全港首位跌至第五位。
       
駿馬名駒
減分馬總數下降

今次獲減分的馬匹數目為510匹，佔總數不足一半，比上年554匹減分馬為少。
       
大摩

在上年暑期總編班時，減7分馬有7匹、減6分16匹，然而今次並無馬匹獲減7分或以上，減6分只得5駒，包括「大寶庫」、「洪福齊來」、「摯跑得」、「張家界」及「東方猛將」，而獲減2分數目最多，不如上季般以減3分者為主，反映評磅員變得手緊。

至於21分淘汰線以下共8駒，最低為16分「開心得意」。

上季尾賀廐多駒被驗出砷含量超標，結果「貝利奇」及「津津樂道」被褫奪頭馬及亞軍資格。兩駒當時所獲的加分，在今次檢討中沒有作出調整。

上年兩匹瘦肉精頭馬「一定贏」及「傳奇快車」，暑期時評分俱獲還原，如今做法有別。紀禮澤解釋，賀廐兩駒之後能表現持續，故不作改動。

十大加分摩東蔡玩晒

大馬房明星馬多，加分最多嘅馬自然亦係圍繞幾個大倉，大摩、告東尼及蔡約翰就包辦十大加分馬中當中七匹，證明贏開唔會放軟手腳。

駿馬名駒可再上

摩廐「駿馬名駒」上季十戰獲五冠三亞，全季加咗42分，不過睇佢上季尾最後一戰只係僅敗，評分肯定未盡，有權再闖高峰。

再睇番近兩季十大加分馬首位嘅翌季成績，「精彩日子」獲兩冠、「隨心隨意」五戰只獲兩季，好壞參半，「神舟十號」上季七戰獲五冠一亞一季加咗59分後，今季可否更上一層樓？另外，近兩季蔡廐十大加分馬，翌季大多表現不差，今季就有「戰利品」及「輕彈錢笑」屬同類馬匹，莫因加分過多而輕視。

開心得意低點救亡

睇番上年度減分最多嘅兩駒，分別係「尚華盛甲」同「開心得意」，兩駒全季從未跑入三甲，減咗41分。

當中「開心得意」現時只得16分，更係全港評分最低嘅馬匹，再無表現就要出局。不過，吳定強處理低班分子向來有一手，加上呢匹馬現時四歲仲係質新，今季反彈成功救亡絕對唔奇。

華倉自購馬多反彈

近兩季減分最多而翌季最好成績嘅「共創良機」及「龍之欣」，都係自購馬身份兼由華籍練馬師訓練。上年度符合以上兩條件就有「大威風」、「歡喜」、「執子之手」及「講心豪情」，其中「大威風」上季尾最後一役已入Q，表現明顯納入正軌，今季隨時可以贏到你唔信！