方嘉柏真係執到寶

猪拉多纳

　　除昨文的「飛天龍駒」外，方嘉柏馬房另一奪冠功臣「執到寶」必然更具重視價值，新季應可扶搖直上。

　　「執到寶」乃上季自購新馬，來港時隸屬容天鵬馬房，由於賽前工夫做足，加上試閘表現出色，故初出一役即有飛，只係4.6倍次熱門，亦反映幕後自視甚高，不過跑落卻一般，最終只獲無威脅的第六名。其後再出轉戰直路賽雖排不利檔位，但埋門照樣有飛落，結果繼續無表現，之後即轉投方嘉柏馬房。

　　「執到寶」於六月初轉倉，但月尾方仔已安排上陣，顯然急於求功，首戰揀跑泥地，欠運排12檔，可謂未跑先輸，果然沿途外叠推進蝕位無數，最終只負兩乘多，足證轉倉後大有進步。剛季煞科日再出轉場兼增程跑田草1400米，雖又排外檔，但在郭能出色發揮下，終於打開勝利之門。睇番此駒能以三歲身份初跑1400米即勝，質素確實唔簡單，新季四歲一定更進步，三班都有得贏。

　　耀鈞