潘頓係愛妻一號

猪拉多纳

　　潘頓剛季成功登基成為冠軍騎師，並打破了韋達壟斷十三年的局面。剛季是潘頓來港的第七季，其實2012/2013年馬季，潘頓已有機會打破韋達壟斷，可惜因為腎石問題，在該季季尾缺陣多戰，直接影響爭勝機會。到了剛季身子轉好，沒有缺陣之餘，整個馬季更甚少犯規停賽，加上一班練馬師鼎力支持，所以贏馬多達一百一十二場，唯一美中不足是尚差三場才可打破韋達一季贏馬最多紀錄。

　　唔講唔知，潘頓除了同多位練馬師建立良好關係，原來同好多騎師亦老友鬼鬼，好似鄉里安國倫和貝湯美，甚至英國騎師郭能，本地騎師蔡明紹，都是潘頓的知心好友，不時結伴同行，出外食飯或去遊船河等等，甚至好幾位騎馬人都係潘頓的老友記，後者試過出現馬房員工宿舍到他們屋企食飯呢。

　　另外，潘頓又係愛妻一號，同妻子拍拖及結婚以後，一樣恩愛如昔有影皆想。當中有件事一直令筆者讚不絕口，話說潘頓夫婦住在騎練宿舍，一落樓便是馬場，潘頓根本不需用司機，但為了方便妻子出外，他上年開始聘請了一位司機，司機除了有時接送潘頓去機場，平日主要工作只係負責車潘頓夫婦出外購物及食飯。

　　子軒