季初搏到煞科 頌友仲有......

猪拉多纳

徐雨石今季暫時累積40場頭馬，僅落後Big 4排第五，但已成為華籍練馬師一哥，表現確實出色。明日徐廐只派出六駒上陣，不過整體實力相當不俗，有望維持強勢，以頭馬為今季畫 上完美句號。列陣第七場的「頌友」匆匆再戰，繼續由普萊西主轡，是徐廐爭勝希望。
       
頌友季初田草1200米曾與今季五捷馬友瑩格串Q。

「頌友」體重逾千二磅，身形壯碩體力過人，今季由去年十月一出即勝，至上月尾拚獲第三，期間九戰僅兩次沒有獎金，連拚不疲且演出穩定。今勻由泥轉草角逐千二米路程，練者依然有信心馬兒可憑勇態繼續交出好成績。
       

徐雨石說：「『頌友』處於盛年，今季長期見勇，相當難得，紀錄顯示此駒跑泥地成績較佳，幸而跑草地表現同樣勝任。牠自升上三班後未嘗再勝，而我相信只要有形勢之助，目前負輕磅仍有一爭之力，今場檔位理想，且看能否取得突破。」此駒雖然未贏過大場，但季初曾在田草同程與「友瑩格」串Q，跑第三、四名分別為「金鎸龍華」及「萬事勇」，水準超勁。
       
普萊西
翡翠寶寶快放佔優

至於第四場的「翡翠寶寶」，加盟徐廐後尚未報捷，今場初配潘頓，隨時有意外驚喜，練者續說：「『翡翠寶寶』近仗演出其實唔錯，我對其狀態亦無半點不滿，之前遇上強手未能勝出無話可說，拚後認真再做工夫，勇況絲毫不減，季尾賽事前領馬優勢明顯，此駒前速甚佳，希望把握這項有利條件，勝回一仗。」