博愛福星票勁1定砌

猪拉多纳

　　話咁快，今晚已經係季內最後一次夜馬，八場賽事都泥地跑道舉行。過往全泥夜賽，大家落注通常就住就住，覺得度搏殺不如下次先，但呢次情況有唔同，事關計埋呢晚，今季剩番四個賽日，所以噚日已有唔少馬迷落定飛，唔等下次。之但係，泥地賽亂呢個事實唔會改變，大部分場合冇重心馬，睇爆冷居多。

　　噚日發現兩匹一檔馬備受熱捧，分別係第二場「彩利」同第八場「博愛福星」（見表）。「博愛福星」今季跑七場，最後獨贏賠率全部都係雙位數，咁又唔怪得馬迷唔理佢，事關佢今季最叻都係得第三。不過呢次排一檔，隔晚竟然有墊底飛，上仗明明仲有21倍，今次隔晚曾得6.4倍，係時候搏殺。

　　騎師王方面，開盤冇幾耐，潘頓賠率就由3.2倍調整至2.85倍，操盤手擺明睇好，要信。

周仲