幸福指數益蔡明紹

猪拉多纳

蔡明紹（Matthew）墮馬傷愈復出之來，表現一直麻麻哋，不過告東尼對於呢位徒弟始終愛護有加，今日第七場一班一千米，餐士馬「幸福指數」一早卜定由Matthew搏殺，希望佢贏番出信心。
       
幸福指數五戰兩W兩P，贏谷草一千米之役由吳嘉晉策騎。

「幸福指數」上次同程雖然已經拚入第二，據知出名要求高嘅告仔一樣唔多滿意，賽後同馬主解釋，認為郭能發揮上有瑕疵，就算騎者呢次可以造磅，一樣唔會畀佢再跑。其實「幸福指數」今季兩W之中，其中一仗由吳嘉晉取得，如今連遲入門嘅師弟亦無份跑，要騎廐侶「風之子」，好明顯Matthew得到師傅關照，第七場邊匹係東廐主力，大家應該心裏有數啦！