紅褲仔有心有力

猪拉多纳

　　又草泥地夜賽，上周三都算爆得甘，尤其係較早場次，之後連場熱門又點，馬迷邊有咁多錢剩，可以捱得到。阿棟唔知呢次又會爆成點，但大家真係要睇路，挑一兩場出玩就算。

　　陳華棟

　　資深評馬人

　　第二場四班1000米草地。「蜜圈」連輸三場，其實都有得解釋，原因包括脫口、水戰及場地不合，所以唔好太介意近績。呢次轉回直路賽，畀埋個14檔佢，可謂相得益彰。衰衰之前呢程輸過畀「銳不可擋」同「天心星」，同埋已輸怕人，如果今晚仍然有十幾倍，WP買梗。

　　第五場四班1200米泥地。「紅褲仔」五班贏完，上番四班跑四場得1Q，睇班次有壓力，但不可不知，其中有兩場係跑濕慢泥地，呢匹馬唔係咁鍾意，如果今晚場地正常又會生龍活虎，而肥仔胡目前未夠數，有用馬點會收埋呢？！

　　第八場三班1800米泥地。「卡通飛飛」香港三季，頭兩季蹉跎歲月，跑十一場，悉數輸掉，今季六場半數有Q，但硬係贏唔到，老苗條氣肯定唔順，一定會諗計整番場。而上場初次進軍泥地差少少有P，若果今次有進步，坐位望贏冇難度。