龍華太旨係「至愛」

猪拉多纳

　　回看上周三的泥草混合夜賽，蔡約翰與方嘉柏馬房是大贏家，前者憑「捲土重來」和「勁酒王」梅開二度，後者以「快快贏」及「準備就緒」起孖之餘，另外獲得三席亞軍，幾乎場場有搏殺動靜。由此可見，雖然快活谷因跑馬地渠務工程封場，卻無損小方的搏殺鬥心，易地而戰一樣威力十足。

　　值得留意，當晚幾匹初跑泥地的方馬，如「方程式」、「準備就緒」、「豪逸」和「快樂時光」等統統冇W有Q，另一泥地初哥「薄荷糖」亦得第四，證明小方不但訓練谷草馬出色，原來跑泥戰也耍家！

　　今晚列陣第七場的「龍華太旨」，谷草專家形象深入民心，最重要是牠季內五捷加分極多，今鋪轉戰泥地1200米，臨場賠率肯定火燒唔燒。但從另一角度睇，牠季內十五戰共獲五贏四位，另有五次收獎金，僅一次輸得較難睇，忠心準繩可見一斑。經驗告知，這類評分大幅飆升之馬，里程十居其九快玩完，預期下季難再有建樹，趁馬兒勇態猶在，及早用盡方為上策，結論是今仗一定砌盡。

　　尾場「開心至愛」的賽績以谷草佔優，惟泥地也不差，上季跑三班泥地1800米拼入Q，現時比該仗低6分，事隔逾年後重返勝途要防。

　　賭博士