驪龍目標係今仗

猪拉多纳

　　今期沙田夜馬三T有超過500萬多寶，馬會估計若10元一注獨中正獎，彩金可高達1,000萬，巨額派彩當前，當然值得一試碰碰運氣。

　　三T頭關第四場四班泥地1650米，「生豪」屬同場唯一於同程有根據馬匹，曾經兩度入Q，目前評43分已較季內此程上名時低4分，肯定有利，未交代馬必把握良機爭取今季第一W。

　　次關第五場四班泥地1200米，「勁開心」上場初跑同程即入位，於當日濕慢不利追場地下，竟可後上跑入一席第三，足證泥地性能突出，只要場地正常有利後上，以此駒強橫衝刺力，可望於莫雷拉胯下打開勝利之門。

　　尾關第六場四班泥地1650米，「驪龍」在港上陣以來跑泥地表現最好，其中同程曾僅以鼻位負於上周三贏二班此程的「熱爆男」得第二，可見賽績甚出色；今仗屬轉投賢後首次角逐同程，目標明顯值得睇好。