驌龍位置熱得誇張

猪拉多纳

　　話咁快，今晚已經係谷草煞科之戰。未開飛前，周某以為大部分場次大熱門都係方馬，結果並唔係咁。噚日睇飛，八場賽事飛數七國咁亂，就算有谷草王方嘉柏呢支扶手棍場次亦一樣，唔通係爆冷先兆？

　　除此之外，周某仲發現兩匹馬隔晚位置飛極重，一度得1戙，佢分別係第四場「足智多謀」及第六場「驌龍」（見表），我自己較為鍾意後駒，所以提供畀大家。「驌龍」雖然香港跑幾季，但從來未跑過谷草，今次煞科先趁熱鬧，究竟咩葫蘆賣咩藥，真係唔知。不過部分馬迷對佢信心十足，噚晚已經落定飛，重手買佢個P，搞到得番1倍。講到呢匹馬實力一定唔差，去年十月尾仲二級賽跑第三，難得有人落定飛，捧佢。騎師王方面，貝湯美開盤後賠率一直跌，要信。周仲