威威具星信心大

猪拉多纳

　　谷草賽事只淨番兩期，鍾意度搏馬練馬師當然會盡力而為，可能有馬迷睇中呢點，隔晚睇飛，唔少方馬及華倉馬飛數特別勁，睇係咪佢惡晒先。

　　噚日發現頭尾場各有一匹怪飛馬，頭場係姚「財神駕到」，尾場係方「威威具星」（見表），兩匹馬都有個共通點，就係上仗賠率冷又唔入前四名，今次強配而來，隔晚就變熱門。先講頭場「財神駕到」，佢上仗跑四班田草1600米，配蘇狄雄排外檔梗係冇人理，閘前賠率有18倍咁多，呢鋪落班即換莫雷拉，隔晚曾得4.5倍做大熱門，票數咁勁，分明係搏殺格。

　　至於尾場匹「威威具星」仲誇張，上仗配郭能，最後賠率有70倍，雖然話跑第五，但今次配潘頓竟然曾得4.3倍，信心大一於捧佢。騎師王方面，杜利萊今次胯下坐騎惡，17倍抵玩。周仲