金鑾大殿賀賢上岸

猪拉多纳

今季練馬師合格線提升到十五場，尋日賽事之前，仲有賀賢、孫達志、李易達、胡森、吳定強五個倉口未達標。
       
金鑾大殿守好位直路竄上，一攻而破。

差一場上岸嘅賀賢，派出四駒上陣，結果佢就憑第二場打頭陣嘅「金鑾大殿」，取得季內第十五W，成功上岸，賀賢當然開心，仲講笑話要好好慶祝。
       
賀賢（右）與柏寶及馬主開懷合照。

賀賢講番呢匹馬，田草2000米真係好啱跑，同埋今場抽到1檔好位，柏寶可以好輕鬆令坐騎守住個靚位，又好彩落過雨令場地稍稍偏慢，兼且佢個分喺五班又好着數，最終贏番一場頭馬。「金鑾大殿」返番上四班只要形勢配合，可以繼續交出好成績。
       

除咗「金鑾大殿」之外，賀賢第八場再贏「格哥兒」捧走皇太后紀念盃，上岸起孖兼捧盃，可喜可賀。