葉韋首W隨心隨意

猪拉多纳

近期殺得性起嘅韋達，就連佢啲大熱門嘅成功率都大大提升，好似尋日頭場四班草地1200米，佢就幫初出嘅「隨心隨意」大熱建功，呢場係佢同葉楚航今季合作第一Ｗ，零舍有意義啦。
       
隨心隨意大熱按韁輕勝。

講開呢隻三歲新西蘭PPG「隨心隨意」，原來係葉楚航舊年去新西蘭卡拉卡兩歲馬拍賣會用咗25萬紐紙買番嚟，航哥話一早鎖定咗幾匹目標，而今次同場嗰隻「馬龍王子」都係心頭好，可惜價錢唔啱買唔到。不過尋日「隨心隨意」就一出即勝，反而「馬龍王子」跑兩場都冇咩表現，航哥呢鋪都可以話塞翁失馬，焉知非福。
       
葉楚航

航哥話呢隻馬只係得三歲，唔會咁急催谷，但如果進度理想，話唔定都會跑兩個禮拜後嘅千四米新馬錦標。