威猛 继续抢攻

猪拉多纳

　　到了一年一度盛事，香港打大赛，4岁王者将会诞生，记忆中，近届打好少会爆大冷，好多时仲係热门马天下，照睇今届亦可能会係咁。此外，呢期幾位二叁线骑师手执唔错实力马，所以，今日唔好只係睇住韦达、潘顿、杜利莱，咪话阿栋冇提早「单声」。

　　第叁场叁班1400米。「威猛」首场赛事跑第四名，当时错觉可能係内栏数晒。再到上赛在外档衝上入Q，已经知道係咩一回事，睇隻马唔係冇质素。坦白讲，此马房曾幾何时，会有呢类PP可以即刻抢攻，又会有幾多匹好似「至勇威龙」咁劲！所以，「威猛」行得呢条「快线」，一定唔简单，回到叁班依然要重视。

　　甜橙夺标呼声高

　　第八场一级赛2000米。「甜橙」4岁系列赛两关获冠亚，赢过「阳明飞飞」，而上赛输畀「续领风骚」，只能叹句时也命也，如果唔係转直路後，曾经有一阵阻碍，又点会追唔切。今场昌哥点去补镬？我真係唔清楚，但有过上场深刻教训，唔应该重蹈覆辙，相信沿路取位会打醒精神。只要隻马跑多200米唔係冇气，捧盃呼声高。

　　第十场二班1200米。「花月佳期」仲係生生，比赛时好难得掂，经常抢口难唔住。而在港唯一赢过係郭能，呢场用番佢，大摩已经表明心迹，想配合今日大攻势而来。既然只係再对番「梦幻十一」、「先鞭直前」等驹，如有点进步，足以反先。

资深评马人 陈华栋