爆香勁辣椒：安國倫奶粉尿片返晒嚟

猪拉多纳

安國倫女友Erin月前仲腹大便便現身沙田馬場，返澳洲安胎家陣差唔多臨盆在即，所以阿倫上月尾被罰停賽，即刻乘機向馬會申請返祖家陪BB出世。尋日頭場佢騎姚廐隻「勁辣椒」，賽前冷到卅倍，話幕後有信心你都唔信啦，勢估唔到畀佢擺前走吓走吓放到，唔聲唔聲又執一場，今次蘇蝦啲奶粉呀、尿片呀仲唔返晒嚟？
  
為搵錢養家，安國倫施展渾身解數催策勁辣椒。





賽後姚本輝都話今次「勁辣椒」贏馬真係有驚喜，仲大讚安國倫充分執行策騎指示，留放恰到好處添。輝哥又話一早已經睇中阿倫功夫了得，先主動畀馬佢跑，睇怕日後仲有大把好嘢醒佢。