胡森威騰駒齊破頭馬荒

猪拉多纳

大喇喇嚟咗香港四季都仲未贏過馬嘅「威騰駒」，尋日趁韋達撻着副贏馬機器，七歲老馬跑到第23仗，終於都取得處女勝利咯。馬主文肇偉好耐未拉過頭馬之餘，連胡森都終於打破近期頭馬荒，事關佢對上一場溫拿，已經去到舊年12月27日嘅「馬之王」，換言之呢場係佢老哥2012年第1W，仲過埋原本並排贏得5場嘅梁定華跳上尾二，難怪見佢鬆一口氣。
  
韋達開動贏馬機器，連老牌處女馬威騰駒都可以收韁輕勝，問你服未？


薛寶力頭炮「追」入第三


呢邊廂胡森軍營一片喜氣洋洋，但係正所謂有人快樂有人愁，近期一樣鬧緊頭馬荒嘅沈集成，之前有「永旺家」同「永同至尊」試閘斷腳，呢場熱門馬「蜚聲國際」又喺閘廂搞搞震冇得跑，似乎仲未黑完。另外，返嚟香港客串到季尾嘅薛寶力，全日得呢場有隻「追月」跑吓，結果後上第三撈番多少獎金，都算有個好開始吖。