马主论战：清风送爽补中

猪拉多纳

　　清风送爽补中

　　今晚第七场赛事，有幾匹跑马地挑战盃前列分子上阵，但我反而睇好何良马房隻「清风送爽」，上场跑1400米末段追势如狼似虎，状态已经返咗嚟，今次转跑谷草1200米，威力更强，应该可以赢马补中。

　　另外推介第二场「好好运」，上场跑谷草一哩赢得相当轻鬆，五岁马已完全适应水土，今次继续跑同程，摆明想打铁趁热，郑雨滇亦已经骑惯骑熟，连捷在望。

　　张敬山

　　实业传奇拔头筹

　　叶楚航刚战凭「高耀之宝」食头胡，今晚呢个仓都有唔少恶马，我睇继续有马赢。推介头场「实业传奇」，近四仗取得一冠两亚一殿，六岁马状态大勇，上场已證明跑四班都够争，有力拔头筹。

　　另一匹要留意嘅叶廐马係第四场「可爱人生」，上场落番四班跑即赢马，幕後部署唔到你唔服，今次虽然要升上叁班跑，但韦达依然唔放手，肯定会搏埋今场，再追。

　　任达华

　　皇仁劲驹评分着数

　　杨明纶刚啱凭「添多福」同「如願以偿」起孖，表现好抢镜，今晚一於再捧佢啲马。推介第叁场「皇仁劲驹」，前仗响谷草1200米输条颈跑第叁，證明依家个分有着数，回气一仗之後随时可以重开胜门。

　　另外锺意第六场「劲飞扬」，呢隻马今季唔经唔觉已赢咗叁场，难得今次仍可以留响叁班上阵，肯定搏甩脾，值得WP捧场。

　　寇鸿萍、梁廷锵