马主论战:嘻哈大少拔头筹

猪拉多纳

　　嘻哈大少拔头筹

　　梁家俊刚战凭「大卫金刚」食头胡，呢位後生仔近期手风唔错，今晚头场佢骑「嘻哈大少」上阵，我睇好佢可再次先拔头筹。虽然呢隻马跑咗19场都未赢，但上季曾两度入Q，證明唔係冇战鬥力。今次转嚟谷草上阵，对手冇咁强，话唔定可以赢番一场。

　　另外推介第二场「好好运」，季内叁战获亚季各一，计分已随时赢得，今场对手亦唔见得太叻，只要交出水準，开斋在望。

　　大幅增程但求胜

　　告东尼同蔡明绍两师徒，刚啱凭「开心指数」同「牛精大师」携手起孖，今晚两人又合作多匹恶马，应该有头马落袋。锺意第七场「但求胜」，虽然今季跑咗十场仲未开斋，但当中有五场上名，今次由1000米跳上一哩，话唔定可出头。

　　另外推介尾场「帝豪名驹」，依家响跑马地挑战盃排行榜守住第四位，为咗争盃肯定搏得就搏，鬥志唔使怀疑，放心捧场。

　　仔仔女女咪睇小

　　叶楚航刚啱凭「跑宝贝跑」同「太阳海岸」起孖兼捧盃，既然当旺，今晚一於再吼呢个仓。锺意第六场「仔仔女女」，上场跑谷草1000米得第四，输畀头马「多益善」唔远，睇嚟仲有分响手，咪睇小。

　　另外可以留意第五场「可爱人生」，今季评分已经下调唔少，今次落番四班上阵，即刻引嚟韦达垂青，随时有权推翻大局。