天外之天冇阻力

猪拉多纳

　　第九場一班1400米。「超皇鷹」今季冇邊場輸得遠，經常喺尾段交出唔錯後勁，演出係有穩定嘅一面。如果以佢目前狀態水平，其實喺9字頭分數未必已經到頂，只因前仗贏過「奇葩」及「金獅名將」，呢兩匹馬之後多跑5場，交出1冠2亞1季1殿，稱得上係二班強組頭馬。

　　再睇埋「超皇鷹」上場返番1400米點跑，直路白德民發揮差到極之下（雖有內閃情況），只輸半個身位，如果當時有番之前同程入圍咁實淨騎法，唔會冇三甲。今仗表面上升上一班角逐，其實與二班賽無異（因幾匹高分好多季內未上過名），直路鬥爆，唔會輸蝕畀任何對手。

　　第十場二班1400米。「天外之天」前仗末段一滴都冇，輸到唔似真一樣，但嗰場前後，表現一直保持高水平。今仗繼續用柏寶跑1400米，跑高半班唔擔心，因為對手仲係「喜惑」、「確叻迅」等等，以佢上場贏馬姿態，加3磅點會有影響。

馬會賽馬節目主持　洪禮賢