馬體會當起追殺華倫

猪拉多纳

05/02/2012
文： 法比加輝

西甲尾場馬德里體育會主場鬥華倫西亞。馬體會自從由施蒙尼執教後演出脫胎換骨，華倫上周中於西盃四強首回合激戰地上最強巴塞消耗唔少體力，而且對上四場作客聯賽面對幾支中下游球隊都贏唔到，加輝今場捧主Ｗ。




（now 632周一凌晨4時30分直播）




加輝上周講過馬體會由施蒙尼執教之後有幾醒，結果佢哋上輪作客以一比○小勝奧沙辛拿，除咗四戰不敗連贏四個盤，防線亦保持一球不失，認真抵讚。正所謂寧捧當頭起，馬體會目前氣勢如虹，球員信心爆晒棚，現階段實不宜刻意拗頸。


西盃影響華倫戰績


華倫西亞歇冬後需要兼顧西盃賽事，聯賽成績難免受影響，單計聯賽，佢哋歇冬後四場都贏唔到，而且對手全部都係中下游球隊，表現並唔理想。華倫依家落後榜首皇馬十六分，但同時領先第四位嘅利雲特五分，三哥位基本上好穩陣，周中西盃四強次回合硬撼巴塞仲緊要，相反馬體會仍要爭踢下屆歐洲賽，戰意料比客軍優勝，馬體會主Ｗ有1.8倍值得捧場。