英錦賽奧咸開劏車場

猪拉多纳

30/01/2012
文： 樂比堅尼

香港時間周二凌晨有場英錦賽四強戰，由奧咸主場對車士打菲特。首回合車士打菲特贏二比一，但奧咸一向靠主場搵食，加上領隊迪高夫號召球迷入場打氣，希望以人海戰術壯聲勢，次回合有力收復失地，捧主勝！（周二凌晨3時45分開賽）




奧咸今季喺英甲排中游，聯賽冇乜好爭，英錦賽決賽可以進軍溫布萊成為佢哋最大目標，領隊迪高夫非常重視今仗，賽前除呼籲球迷帶埋親友入場，仲向球員分享當年喺溫布萊比賽嘅回憶，希望激發起球員士氣，一鼓作氣打入決賽。




事實上，奧咸主場成績遠勝作客，近十二場主場贏八場，若計埋對賽成績，奧咸近六次主場對車士打菲特贏咗五次，大有格食格味道。另一邊廂，車士打菲特要專注護級，兼顧盃賽已相當吃力，而且佢哋作客一向唔掂，英甲廿四支球隊作客排尾三，睇怕次回合都係凶多吉少！