馬里迪莫收學費

猪拉多纳

13/01/2012
文： ComboKing

葡超本輪首場賽事，由包尾球隊費利拿主場對馬里迪莫。今季費利拿演出差到你唔信，上季聯賽以第七名過終點，點知今季成績大倒退排包尾，積分仍處於個位數，相信下半季都幾難有翻身機會。弱勢球隊有主場都信唔過，寧取馬里迪莫客W。（周六凌晨4時15分開賽）




費利拿最大問題係防守差劣，今季失球數字已突破三十大關。對比起其他下游球隊，比如費倫斯及塞圖巴爾都只係失廿粒，從數字上已反映出費利拿後防有幾衰，因此馬里迪莫只要發揮正常，贏波唔係難事。雖然話近年費利拿經常可以喺主場擊敗馬里迪莫，但正所謂今時唔同往日，以費利拿咁差嘅表現，有利往績可以不理。




馬里迪莫現時排行第五位，為保住來季歐霸盃參賽資格，未來半季都唔能夠放鬆。而見到球隊喺葡聯盃及葡超都有好表現，球員應可將良好狀態帶到落今場比賽，客W值得留意。


昂熱兩連捷追多鋪


至於法乙方面，其中一場由南特主場對昂熱，兩隊實力不相伯仲，惟客隊昂熱有兩連捷佳績支持，客W可睇好。另一場由勒哈弗爾主場對朗斯，主隊踢法「大開大合」，好容易造就大量入球，大盤要留意。