保頓細味拖肥糖 愛華頓守強於攻

猪拉多纳

04/01/2012
文： 麥馬拿仁

英超聖誕新年快車去到尾聲，愛華頓主場迎戰保頓。「拖肥糖」近四戰不敗，但始終守強攻弱，主場鬥史雲斯、諾域治都老鼠拉龜，近七戰全數開細。保頓加利卡希爾仍然在陣，而森歷格斯同史甸臣等守將亦已復出，對住冇牙老虎頂得住，捧細盤！（有線201及301台周四凌晨4時直播）




近期英超「大吹冷風」，爆到一地眼鏡碎，絕對與快車賽程有關。球隊要於短時間內踢四場聯賽，諗都諗到有幾惡頂，球迷有睇直播都會發覺，場上攻守節奏都比平時慢，有利於下風波。




今戰愛華頓主W得1.42倍備受睇好，但雙方實力冇差咁遠，加上於快車賽期乜戰果都可以出現，不如小小哋轉玩細盤。


愛華頓主攻例牌死火


愛華頓一向靠爛打、實際打法搶分，中、前線沙夏、費蘭尼養傷，鋒力極度疲弱，近期鬥西布朗、史雲斯、諾域治、史篤城同保頓都開細，從「拖肥糖」作客戰績比主場更佳，證明呢班波主攻唔掂。




保頓近期開始明白盲目搶攻不如先做好防守，故近四場得一次開大，今場一於捧細盤。