開鑼齊勝攞頭彩

猪拉多纳

尋日新馬季開鑼，開賽前一如上季又逢攔門雨，不過今季雨勢就大得多，頭場賽事，慣常由五班馬擔綱，結果李易達就憑旗下嘅「齊勝」先聲奪人，為新馬季打響頭炮，一連四季開鑼賽都有馬贏。
       
齊勝臨場着綠格，飛到馬到。
李易達讚楊明綸走位

「齊勝」今場排一檔贏頭場，意頭馬寓意開鑼賽齊齊得勝，可以話係夠晒應景，李易學賽後亦盛讚愛徒楊明綸走位醒目，充分利用今場嘅黃金一檔，而呢匹馬同阿Keith最合拍，上季成為佢嘅畢業馬，到咗今季仲贏埋頭威，至今兩場溫拿都係由佢一手包辦。
       
楊明綸成功響頭炮。

馬主林文燦對於愛駒打響頭炮，當然好高興，原來講番起，佢上一匹所養嘅「酒勝」，前季亦係開鑼賽成為騎練開齋馬，今季再一次重溫好夢，林生亦期望愛駒可以一如「酒勝」大器晚成，愈跑愈好。