卡加精神对手无多

猪拉多纳

　　今晚谷草赛事，韦达与柏宝坐骑实力幾强，但近期好少见到两个互相辉映，通常威嘅只得一个，希望今期可以破例。而阿楝比较倾向锺意韦达嘅马多啲，尤其「下半场」幾驹，热门身份逃不了，总算觉得稳阵，攞嚟做胆，或买WP，会係幾好嘅选择。

　　第二场第五班1200米。「卡加精神」今季演出平平，转马房前後依然没有太大起色，跑咗超过十场，得一席位置，6岁马咁快退化？我又唔认为係咁，只因隻马本身唔易发挥出最佳水準，先至成日跑近而冇威胁。练者把心一横，减够分落五班，对手的确幾弱，除非场地变慢唔识跑，如果赛道有得追，讲鬥後劲，边隻够佢劲！

　　第五场第三班2200米。「财宝鹰」终於在上赛再添头马，搏咗幾个月先至识再W，後上跑法係问题所在，太过被动好易遇到困境。呢场忽然转谷草，摆埋个柏宝上去，大有再争决心。我唔清楚佢谷草性能，但大长途一定比1800米更合。况且，今场唔少放头马，受惠形势之下，佢後上跑法将获得更好发挥。

　　第八场第二班1200米。「一宝」马口唔易控制，但骑师舞得掂的话，佢那段爆炸力唔係讲笑。而韦达之前两骑俱入Q，发挥方面唔使担心。当然，隻马可能唔多分在手，不过，近绩準、有锐气，尚有争胜本钱。

资深评马人 陈华栋