艾夫斯堡赫根大火併

猪拉多纳

周五凌晨續演四場瑞典超，重頭戲由艾夫斯堡主場鬥赫根。艾夫斯堡今季主場五戰全勝，面對進攻火力最強嘅赫根相信會有不少入球出現，1.75倍大係投X首選。（周五凌晨1時開賽）

艾夫斯堡一向係瑞典超主場王，對上四季六十場主場聯賽只輸過四次，平均每季輸一場，今季佢哋繼續保持優良傳統，開季至今五戰全勝，氣勢之強實不宜刻意作對。不過今場對手赫根亦非泛泛之輩，客軍今季踢十一場聯賽入二十八球，係全瑞典超入波最多球隊，淨計射手華維斯及馬干迪利加埋已經入咗二十球，等如艾夫斯堡全隊入球總和，就算作客一樣照搶攻，捧大盤啱數。
AIK抖夠𡁻加爾斯

另一場AIK蘇納主場鬥加爾斯，加爾斯剛於周二凌晨打吡戰惡鬥哥登堡，相反AIK蘇納多兩日時間休息，而且上場亦於主場取得大捷，士氣及體力皆佔優，主W可捧。