歐國盃：領隊介紹：艾禾卡特

猪拉多纳

俄羅斯領隊艾禾卡特，曾執教荷蘭、南韓、格拉斯哥流浪等著名國家隊同球會。由於俄羅斯堅持要今屆歐國盃完結後，先決定同唔同艾禾卡特續約，搞到現年64歲嘅艾禾卡特已落實歐國盃後離開俄羅斯，自98年後第二度執教荷蘭勁旅燕豪芬。
表現飄忽遇弱愈弱

2010年7月1號我開始接掌俄羅斯，喺歐國盃外圍賽B組首仗就取得好開始，作客以2:0擊敗安道爾，點知第二仗首次帶領球隊喺主場出擊，竟然以0:1不敵斯洛伐克，當時真係嚇死我，被人炒唔緊要呀，最驚會畀人暗殺，好彩班球員之後生性，作客連贏愛爾蘭3:2同馬其頓1:0。

雖然之後又遇到阻滯，作客被阿美尼亞逼和0:0，好彩返番主場連贏阿美尼亞、馬其頓，再喺主場逼和競爭對手愛爾蘭0:0，不過最關鍵都係喺尾二一場分組賽，作客報番一箭之仇，贏斯洛伐克1:0。到咗煞科戰主場對弱旅安道爾，就狂數對手6:0，最終以23分，2分之差壓倒愛爾蘭以首名出線，直接進身歐國盃決賽周，總算無辜負到俄羅斯人嘅期望！