坐骑有质有量 柏威廉必打胜仗

猪拉多纳

　　劳爱德客串期满离港，柏威廉接棒，似乎幾受重用，如果唔睇骑师出马表个名，净係睇佢今次同边啲马房合作，错觉会以为德叔仲未走？！事关柏威廉今期获得坐骑嗰幾个马房，如大摩、苗礼德、蔡约翰、胡森等等，都係一直与德叔有良久合作关係。全面接收晒佢啲地盘？呢点真係唔清楚，但佢近期坐骑愈来愈多係事实，总之，支持度大，佢又係骑得之人，早日打开胜门的话，季尾呢段日子，一定可以发光发亮。

　　今期柏威廉出马质与量俱备，连一向用人极为严谨嘅大摩，都一次弹幾匹匹恶马畀佢，此乃「绰力之城」、「勇钢」及「纪利威威」，3隻赢得晒？笔者自己都唔信，但又唔可能全部冚旗！

　　第三场「绰力之城」，次次出赛次次搏，未试过欺场，话之同场遇到「山顶」，定係其他老虎，唔够人跑一件事，鬥志好到加零一，而上三班後两场，愈来愈接近胜利边缘，證明进度未停过，有力染指冠军。

　　第六场「勇钢」及第八场「纪利威威」，近仗唔係有何特别，不过，要小心赛绩真实性，因为前驹上场因漏闸才输；後驹连跑3场三班赛，可能已渐适应，由於两驹皆有分头，可博。

Jack