|
|
骑师「落楼」可大可小，轻则手脚擦损，重则随时危及生命，做呢行真係搵命搏。好似白德民，试闸堕马养伤到依家，仲要复出无期。相比起嚟，柏宝算係好幸运，2月11日当天有两位骑师堕马，佢同埋何泽尧，後者要唞到5月中才可复出。前者在3月4日已重上马背，同日更捧走女皇银禧纪念盃，真係同人唔同命。
踏入四月即起孖
虽然柏宝3月出番嚟骑，但成绩唔算係即刻好番晒，不过，踏入4月，又有另一番景象，4月1日愚人节即赢两W，可能渐渐弗番都唔定，因为当日赢两场头马，都唔係轻轻鬆鬆那类超班马，佢都要出尽浑身解数，同埋，追溯之前柏宝同日赢到两场或以上，已经係2月5日！既然有番手风、运气，近日亦多咗个别少合作嘅马房支持，呢位昔日二哥，仲唔係重新振作之时。
柏宝今日坐骑之中，第四场「齐歌唱」，唔明转场地为咩？！但与连捷「多利皇」串Q，必属班顶马；第十场「飞闯」，大摩同柏宝近日有晒火花，计马评分亦已有利，翻身唔觉意外。
Jack
|
|
金睛卡
发表于 2012-4-9 10:49
变色卡
显身卡