八匹坐骑多有实力 巫斯义开心告别

猪拉多纳

　　以头马数字比较，巫斯义今季客串成绩稍为退步，因上季以35W完成，目前暂时获25场头马，但两个季度客串日子长短有别，唔可以咁计。事实上，佢今季再次东来，依然宝刀未老，更曾经摘下两项级际赛冠军，整体成绩当然对得住一众粉丝。

　　今次将係巫帅临别一战，有冇大赛命？真係唔清楚，好在两项盃赛有份跑，视乎「新力劲」和「莲华生辉」表现如何，如果临走捧到盃，当然威水好多，退而求其次，临走有马赢的话，亦可谓好头好尾。

　　望望佢手上之马，由好多位练马师撑场，8匹坐骑唔係冇实力，除了上述两驹，数数仲有「无双小子」、「银飞龙」、「开心陶宝」、「非常好」，严格啲讲！冇马赢，成绩唔算及格。

　　第三场「无双小子」，上仗唞够即胜，赢到抛甩晒对手，畀人感觉完全唔同班，老马係咪一铺之後就冇？！好难讲，由於对手唔强，係有连捷本钱。第四场「银飞龙」，遇上幾匹新血，未知够唔够实力一鬥，不过，讲到近绩就好準，如果一批质新马有闪失，可能担正。第六场「开心陶宝」，可以後追，又可以紧咬步速跑，算係有板斧，位好兼路合，如持续进步，或可启胜门。

Jack