马主论战：捧潘顿时时彩

猪拉多纳

　　捧潘顿时时彩

　　潘顿今晚手马幾恶，我睇佢应该有马赢，锺意尾场「时时攞彩」，经过季初一轮减分之後，上场终於响谷草1200米上名，五岁马既然状态返咗嚟，必定打铁趁热，排五档啱晒佢嘅放头跑法，有望重开胜门。

　　另外推介头场郭立基坐骑「火燎腚」，近两仗跑谷草1000米冇W有Q，演出稳定之馀，实力仲有进步，今次同场已经冇「万醒驹」呢类超级分子，照计可以顺利赢马补中。

　　张敬山

　　君河转场要吼

　　蔡约翰刚啱中叁元，手风真係好顺，我睇好呢个仓今晚继续有马赢。第五场蔡廐派叁驹上阵，其中「君河」在港四战未赢过，计赛绩似乎较下风，但上仗突见有接近走势，今次转场上阵，随时可赢马开斋。

　　另一匹要留意嘅蔡廐马係尾场「名马」，今季六战取得两胜叁位，计质素响叁班实够赢，排得叁档起步形势着数，不妨WP捧场。

　　任达华

　　五星酒店拔头筹

　　劳爱德刚啱凭「绰力之城」同「超皇鹰」起孖，今晚一於再捧佢啲马。锺意头场「五星酒店」，前仗响谷草1200米後上追入一席第五，證明有一定战鬥力，今次转争谷草1000米都啱发挥，话唔定可赢马开斋。

　　另外推介第二场「魅力影子」，季内七战五获奖金，演出好準，依家减到得18分，计落已有反弹空间，要吼实。