驌龍打吡用高雅志

猪拉多纳

早幾日打吡入選馬名單公布，較意外係83分嘅「驌龍」榜上有名。唔知係咪幕後都無諗過會入選，隻馬尋日又出來跑場二班一哩，好在最終都順利贏埋，下個禮拜可以保持銳勢出戰打吡。
       
高雅志

馬主劉業強透露，賽前都問過蔡約翰隻馬跑得咁密掂唔掂，而神仙蔡就好冷靜咁答，話半同主隻「好日子」都試過密密跑密密贏，叫佢唔使擔心。劉業強話「驌龍」今次再贏，證明咗蔡約翰真係神仙級，往後部署放心交晒畀佢！
       

「驌龍」原定配柏寶跑打吡，不過騎者要騎摩廐「同個世界」決定推莊。劉生表示會請南非好手高雅志壓陣。除此之外，一如本報早前報道，馬會正式公布打吡參戰馬「牽動美麗」將配范義龍，而「軍事出擊」將用韋紀力執韁。