盖世子牙飞到马到

猪拉多纳

　　今晚係百万挑战盃最後一个计分赛日，有份争嘅马仔实砌到尽，但老实讲，搏咗成个上半季，究竟会唔会有心冇力？真係冇人知，再睇埋隔晚飞，有得争嗰啲马，冇匹係信心大热门，要小心啲，唔好畀争盃决心误导。

　　呢啲七国咁乱场合，最好信怪飞马，第六场「盖世子牙」睇嚟又想搏杀，事关呢匹马噚晚一度得5倍W，同近四仗最後赔率差天共地。话说佢上仗仲係54倍冷马，结果得个第八好正常，今次唔知係咪落班兼跑赢马路程，即刻有飞到。有样嘢大家要留意，呢匹马通常飞到马到，季初一役突然由上季尾嘅39倍变到8.1倍，结果赢马而回，今次可能照办煮碗，一於照跟。

　　骑师王冷敲劳爱德

　　骑师王方面，虽然韦达骑足八场，但有2.15倍未免太好分，倒不如拣劳爱德，四匹坐骑只得17倍，实在够胆，捧佢。

周仲