布拉加掃雷向前衝

猪拉多纳

27/02/2012
文： 巨高

本輪葡超最後一輪賽事，布拉加周二凌晨主場迎戰甘馬雷斯。布拉加上周中喺歐霸盃畀土耳其球隊比錫達斯淘汰，表現稍稍令人失望，話晒布拉加都係上季歐霸盃亞軍，估唔到今季喺三十二強就宣布「畢業」。但於現階段未必係壞事，起碼布拉加可以專心應付葡超。對手甘馬雷斯今季演出唔曳，不過作客布拉加難偷雞，主W可以優先考慮。（周二凌晨4時15分開賽）




睇番積分榜形勢，其實布拉加絕對有機會打入頭兩位，取得來季歐聯參賽資格，故此未來日子肯定拚盡力保三甲。另外要留意係前鋒洛迪高利馬，呢位巴西球星今季正與賓菲加長人奧斯卡卡度素爭做神射手，上個月仲傳出洛迪高利馬會轉到西甲搵食，但其後被否認。洛迪高利馬話好希望以布拉加球員身份，擸番個神射手獎先至離隊喎，鬥志唔使懷疑。


主場4勝甘馬雷斯


甘馬雷斯上輪聯賽爆冷砌低強敵賓菲加，但今次冇咗主場之利，要再贏強隊就有一定難度。事關布拉加聯賽主場保持住八勝一和不敗佳績，而甘馬雷斯近四次作客布拉加全敗，今場都幾難有奇迹。