大衛金剛開齋旺埋梁定華

猪拉多纳

尋日第一場由「大衛金剛」先拔頭籌，嚟香港跑到第26場，終於取得處女勝利，同時為練馬師梁定華帶嚟今季第5W，之後場次嘅「共同目標」又跑第三有獎金落袋，加埋啱啱禮拜三就「中國好」事件上訴得直，罰款減咗十萬銀兼發還保證金，呢期華哥似乎有番多少財運行吓喎。
  
大衛金剛在港苦戰到第廿六回合，終打開勝利之門。





不過華哥有運行，可能都要多謝馬主黃佩茵，事關佢好似沾咗爹哋黃添勝嘅旺氣。皆因黃生名下隻「金剛驃」，今季開齋之後冇耐又執多W，雖然爹哋今季轉咗支持高伯新，不過佢就選擇留番喺華哥度，順便支持埋佢哋兩父女相識多時嘅副練何敬森。黃佩茵話難得愛駒開齋，佢最大心願就希望可以好似「金剛驃」咁，趁住目前評分優勢，繼續乘勝追擊，盡快贏多場啦！