太陽海岸渾身是勁

猪拉多纳

　　今日沙田上演七草三泥賽事，近期葉廐成績不斷冒升，今日此倉口亦有不少實力馬上陣，其中「跑寶貝跑」與「太陽海岸」均惡氣十足，且看能否為廐主增添頭馬進帳。

　　列陣第七場三班1000米的「跑寶貝跑」，前仗在同程一出即勝，於韋達胯下大勝亞軍「盈豐快駒」三個多馬位，可見質素超群；上仗升上三班再戰同程，再以半力言旋。復課後，此駒拍跳課課出色，埋門踱步走來狀態亦對辦，目前仍在三班上陣佔盡便宜，要再捷冇難度。

　　出爭第八場三班泥地1200米的「太陽海岸」，季內經過一輪實戰後，上仗在潘頓胯下跑田草1200米，僅以個多馬位不敵「幸運雄威」屈居亞軍，表現大有起色。拼後立即復課做工夫，近日連課快試考驗，走來火旺力足，埋門踱步渾身是勁，狀態大勇。雖然此駒以往未跑過泥地賽，但以往試泥地大閘亦曾有好走勢，今回轉戰泥地1200米仍由潘頓執韁，力足左右大局。

家明