聖日耳門「讓主」有計

猪拉多纳

04/02/2012
文： 洪心Dee

當日安察洛堤搞到隊車路士一塌糊塗，估唔到家陣過到嚟法甲咁醒，教到巴黎聖日耳門曉飛咁滯。鬼咩，班波人腳超晒班，想唔打橫行都難啦！聖日耳門今晚會喺主場恭候伊維恩，客軍傷兵多之餘作客又唔掂，今鋪一於跟紅頂白撐聖日耳門要1.85倍「讓主」。（now714台周日凌晨2:00直播）




伊維恩聯賽作客未開齋




自從「肥安」接掌聖日耳門之後，領軍4場正式比賽全部贏晒，證明就算左閘迪爾尼要踢非國盃、指揮官柏斯托尼打咗柴都冇有怕。啱啱由國米加盟嘅中場莫達，今戰有望處子登場，呢位好波之人賽前話要喺法甲做大事，學似萊爾、李安納度同「細哨」3位踢過聖日耳門嘅巴西前輩一樣咁醒，今晚首演實會全力以赴打響頭炮。




對家伊維恩今季法甲客場未開齋之餘，對上4場聯賽作客仲要輸晒添，最弊係突尼西亞前鋒基利法踢非國盃仲未歸隊，門將拿基艾特、守將蒙干古、中場艾雷同射手巴里加特都養緊傷，點睇都唔似會偷到雞，輸少球都偷笑咯！