文家良追睇鷹之團

猪拉多纳

　　昨朝晨課所見，以文家良馬房動態較為積極，廐主邀得多位好手幫手試馬，包括杜利萊、柏寶及安國倫，三位大師傅一直與文廐合作無間。杜利萊出試「鷹之團」鏡頭最矚目，人馬出大圈前，練者特地在跑道出口向鞍上人教路，在馬匹快跳兩段之後，倉主匆忙步進隧道，以便第一時間睇馬，頗有瞄頭。

　　「鷹之團」今次出爭主席短途獎1200米，此匹快馬跑直路賽1000米實力強橫，上仗初上一級賽挑戰強敵，即力壓對手奪得百周年紀念短途盃，今次再向曾經敗陣的1200米進軍，雖乏佳績支持，但近況大勇，憑當起之銳，不無爭勝之機。

　　柏寶及安國倫則分別為「鑽飾彩虹」、「歐洲駿馬」試跑，課後兩人各自到烽火台向練者滙報，共商軍情時頻頻耳語，顯得甚為緊張。列陣尾場之「歐洲駿馬」，昨課在安國倫胯下走勢疾勁，狀態可謂大勇特勇，今次於二班作賽對手雖強，但憑新勝銳勢，連捷不奇。

韋柏