惡霸華倫當巴塞冇到

猪拉多纳

01/02/2012
文： 力奇

「地上最強」作客一啲都唔強，家陣仲傷兵滿營添，今晚巴塞造訪主場惡霸華倫，肯定惡啃，仲要讓波？呢場西盃4強首回合，梗係撐「蝙蝠兵團」，要2.6倍「讓球主勝」啦！（now632台周四凌晨4:00直播）


「地上最強」改搭澳洲航空


8強踢死敵皇馬出局，巴塞順理成章被捧為西盃奪標大熱，但查實佢哋今季作客踢成點大家有眼睇，雖然巴塞已搞掂冇飛機坐嘅問題，撲到澳洲航空機位，唔使等西班牙航空復航，又或者搭火車，但睇番佢哋嗰10場西甲作客波，堂堂班霸竟然有6場失分，好冇霸氣啫！




最弊係巴塞陣營傷兵勁多，除咗中場恩尼斯達同前鋒韋拿之外，前晚就有消息指柏度洛迪古斯都趕唔切傷愈披甲，頻密賽程加上傷兵滿營，呢場波真係有隱憂o架！


華倫主場勁 踢西盃Sharp醒


主隊華倫西亞唔係話好叻，之不過今季主場出擊有保證，全部16場比賽只係輸過兩場咁大把，好鬼硬淨。仲有喎，教練艾美利好有計，近排佢玩輪換制應付聯賽同西盃兩條戰線，聯賽嗰邊戰績係麻麻，但上一圈西盃就以總比數7:1淘汰利雲特出局，當中兩大副選皮亞堤同阿度里斯仲踢得好Sharp醒吓添！




賽前艾美利就話，好有信心玩殘巴塞，今仗又會改變策略，決定由主力夾雜喺西盃有出色表現嘅球員兩溝落場，球員弗、鬥心強，仲要有埋硬淨主場，莫講話頂住巴塞吖，隨時贏埋都唔奇o架！