布力般紐卡素大騷4連發

猪拉多纳

01/02/2012
文： Wendy

轉會巿場啱啱關閉，一月份轟動轉會新聞唔多，以弗賴堡射手柏比斯施斯轉會紐卡素較為轟動。塞內加爾喺非洲國家盃提前畢業，黑雙煞柏比斯施斯及丹巴巴亞已經歸隊，在紐卡素今晚作客布力般流浪嘅賽事有機會一齊上陣。




紐記陣中有中場迪奧迪仍踢緊非國盃，所以繼續缺席，領隊柏杜非常重視呢場聯賽，因為球隊已兩連敗，包括上仗足總盃爆冷輸畀白禮頓出局，上輪聯賽大敗畀富咸二比五，令佢哋冇晒面，今晚對布力般好有機會入波洩憤，因為今季喜鵲對過布力般三次，全部開出入球大。


布軍連續十場入波


布力般近期發窮惡，前陣子贏到曼聯，近兩場聯賽亦搶到四分，近十場比賽場場有入波，近日多位球員如史葛丹恩，羅賓遜等都能克服傷患復出，今場唔排除布力般贏到波，不過入球大機會似乎仲高。




（有線301及201台周四凌晨4時直播）