高柏尼放監守城池

猪拉多纳

31/01/2012

曼城近期防線不濟，某程度上同停賽四場嘅隊長高柏尼缺陣有關，不過呢位比利時國腳今仗可刑滿復出，副隊長米卡李察士話放下心頭大石，有信心高柏尼喺後防壓陣，可穩固球隊防守。


高柏尼喺月初對曼聯嘅足總盃賽事領紅牌，由於已經係今季第二次，所以被罰停賽四場。米卡李察士認為高柏尼喺陣中無人可代替，相信佢復出後曼城嘅戰績會提升。

米卡仔擦定鞋

米卡李察士表示：「佢係大賽球員，而且領導能力一流，喺更衣室嘅感染力甚強，係一名稱職嘅隊長，佢今季同尼史葛合作踢中堅演出優異，係英超後防中路最佳拍檔。」