奧沙主場硬淨唔赦馬體會

猪拉多纳

30/01/2012
文： 亨格比利

今晚西甲上演獨腳戲，由奧沙辛拿主場恭候馬德里體育會，齋睇牌面同近況梗係馬體會秤先啦！不過佢哋今仗陣容不整，教練施蒙尼亦未完成組軍，想喺奧沙辛拿身上攞着數唔容易，仲要讓波就更加捧唔過，奧沙辛拿受讓平半寧博下盤。（開賽時間：周二凌晨4:00）


施蒙尼埋怨增兵頻碰壁


自從施蒙尼接掌馬體會之後，呢支首都球隊已經喺西甲錄得2勝1和佳績，表現可謂脫胎換骨。之但係施蒙尼前日就同傳媒大吐苦水，話斟介球員處處碰壁，距離轉會限期嘅時間又唔太充足，好擔心簽唔切人，明顯仲未滿意現有陣容。除此之外，一對中場主將基比同迪亞高今晚要齊齊坐波監，法卡奧霎時間冇晒供應，都咪話唔濕滯。




雖然主隊奧沙辛拿近6場波未贏過，但上仗就逼和華倫西亞1:1，早排西盃對住巴塞亦只係僅輸1:2，老實講算係有晒交代啦！睇番今季戰績，奧沙辛拿响西甲主場10戰只係輸過1場，硬淨成咁，橫睇掂睇馬體會都唔似會讓得起。