愛華頓死火攻「細」難求

猪拉多纳

21/01/2012
文： 自由恒

還記得新年快車期間，愛華頓門將侯活趁大風斬波笠死保頓守門員阿當保丹，成為第一個射入首球嘅英超門將，馬會亦好快作出配合，喺之後對熱刺嘅聯賽為侯活開出400倍首球賠率，唔知有冇朋友當買主其他一樣，整番10蚊捧吓場呢？不過今次馬會想幫大家慳番10蚊，因為首球名單已經再見唔到侯活。




如果你喺個幾星期前曾經諗過撐侯活再開首球，筆者絕對係可以理解，事關愛華頓嘅火力實在太曳，近4場聯賽除咗後備射手安尼捷比之外，就真係得侯活入過波，難怪「拖肥糖」近11場波有10場開出入球細，有傳佢哋打算從恩高斯達特羅致美國國腳級射手艾臣布度，同當路雲重組洛杉磯銀河鋒線，但遠水始終難救近火。


布力般射手耶高保停賽


相比起愛華頓，布力般流浪近仗其實入得又失得，仲有唔少代表作，包括作客以3:2擊敗曼聯，算係幫備受壓力嘅領隊堅恩吊住條命，奈何最當弗嘅射手耶高保喺上場領紅，今仗起要停賽3場無緣倒戈，火力即時大減，對住唔識入波嘅愛華頓，最啱就係捧1.95倍入球細。（有線204及304周六晚11:00直播）




足球重心：愛華頓（入球細）




馬膽推介：7場13 跑寶貝跑




雖然今季田草1000米頭馬甚少連捷，但「跑寶貝跑」上仗初出即贏直路賽嘅姿態實在驚人，輕勝3個半馬位之餘，蹄下敗將「一定快」同埋「喜萬家」都已經交出頭馬，會係葉廄今日嘅變倍器。