馬體會破舊立新演科「蘇」

猪拉多纳

21/01/2012
文： 鄭少偉

年廿八洗邋遢，若然唔洗豈會發！「亨利」自問係個傳統嘅人，呢一日一定會幫屋企人大掃除，將兔年嘅衰氣通通掃走！今晚西甲夜場皇家蘇斯達會喺主場迎戰馬德里體育會，雖然兩隊波今季演出都幾飄忽，但咁啱近況都唔錯，上仗又齊齊贏波，相信今晚碰頭都會幾有睇頭，值得大家洗完邋遢，都要捱眼瞓去睇直播。


新官上任三把火無懼皇蘇


講開又講，以馬體會嘅人腳點睇都唔似係一支排緊聯賽榜第10嘅球隊，隊波成績唔好，或多或少同前教練文沙奴喺好多場波，臨場一啲莫名其妙嘅調動有關。好似喺中場負責派牌嘅迪亞高踢得好哋哋又將佢換走，就連啲球迷都不滿佢嘅做法，係咁對佢「開汽水」，呢個亦係文沙奴畀人炒魷嘅原因。




正所謂舊嘅唔去，新嘅唔嚟，文沙奴唔畀人炒，又點會由舊將施蒙尼掌帥呢？新官上任三把火，施蒙尼上場後嘅兩場比賽錄得1勝1和無失過波，咁短時間如果話佢救番隊波就誇啲，但最低限度隊波都正路先吖！教練做嘢正路，跟佢嘅球員自然肯心甘命抵為隊波賣命！今晚馬體會作客讓平半唔算抵玩，但就值得一博，「亨利」都幾有信心，輸半博全，博到就過肥年啦！（now632台周日凌晨3:00直播）