|
|
21/01/2012
文： 查理阿蛋
利物浦今季作客成績比主場更佳，今晚紅軍造訪深陷降班漩渦嘅保頓，必以全取3分為目標，不過考慮到利物浦火力只係一般，小妹決定扒冷，敲3.4倍「讓球和」，博紅軍小勝！（有線200、300及廣東體育周日凌晨1:30直播）
保頓近10戰輸7場
上仗利物浦排出怪陣迎戰史篤城，以致未能攻破出名硬淨嘅對手城牆，想爭奪歐聯席位，末來賽事已不容再失，杜格利殊今仗變陣事在必行，不過嚟緊周中聯賽盃準決賽迎戰曼城，對紅軍嚟講係一場好重要嘅賽事，相信杜帥今仗會派一眾小將如舒維爾、馬田基利等擔任正選，雖然佢哋經驗淺，不過質素絕對唔曳，要入波怕且唔難。
保頓近10戰只得3仗唔使輸，佢哋條豆腐防線失球數字更冠絕英超，依家仲連加利卡希爾都走埋，面對紅軍，失波少不免，就算安祖卡路爾唔掂，麥斯洛迪古斯及謝拉特仍然可以輪流玩殘保頓後防，要小勝1球，點會有難度？
|
|
金睛卡
发表于 2012-1-21 10:30
变色卡
显身卡